Tanha the Tanha hain - True Lover Shayari

Shayari On Love :-

Tanha the, tanha hain, tanha hi reh jayenge,
Pyar jisko kiya usko, haasil na kar payenge,

Akele aaye, akele hi reh gaye, akele hi chale jayenge,
Duniya ke dasturo ko hum, chah kar bhi badal na payenge,

Heer raanjhe ki kahani, hum bhi phir se dohrayenge,
Na bandh paye hum ek bandhan me, par pyar to hum nibhayenge,

Ye saans rahegi jab tak, saath tera hi chahenge,
Tanha the, tanha hain, tanha hi reh jayenge.

Main Ek Soudagar Hoon - Deeply Lines

Deeply Lines...(♥)

Gamgeen aakhon mein khushiyon ke pal sinchta hu
Main ek soudagar hoon aakhon ko khawab bechta hu

Pathar dil ho gaye jo dunia ki thokar kha kha kar
Un pathar dilon ko pyar ke narm jazbaat bechta hu

Jin kanton ko unki chubhan ki wajh se chhua nahi jata
Un kanton ko khubsurati ke liye mehkate gulab bechta hu

Jo udas chehre taraste hai ek pal ki muskrahat ke liye
Un udas chehron ko khili muskan behisaab bechta hu

Puchhe koi mujhse ki kaun ho tum to yahi kehta hu
Main ek soudagar hoon dunia ko khusiyon ki sougat bechta hu..(♥)

Zakhm Bharta Hi Nahi Teri Judayi Ka - Dard Shayari

Touching Lines..(♥)

Ashk girte hain to, har saans pighal jaati hai,
De ke ek dard naya, har shaam dhal jaati hai,

Tujhko seene se laga kar, mile jannat ka sakoon,
Tujh se bichhdu to, meri jaan nikal jaati hai,

Tu agar dil pe mere, haath hi rakh de to,
Toot-ti saans bhi, kuch derr sambhal jaati hai,

Zakhm bharta hi nahi, teri judayi ka magar,
Phir teri yaad, naya dard ugal jaati hai.

Tod Do Bandishe Zamane Ki | Love Shayari

Zindagi Bhar Hum Tumhe Awaz Denge,
Pyar Kya Hai, Hum Tumhe Bata Denge,
Tod Do Bandishe Zamane Ki,
Ek Duniya Nayi Hum Basa Denge

Parindo Ko Kaid Karna Meri Fitrt Nahi

Un parindo ko kaid karna meri fitrt nahi,
Jo pinjre me reh kar gairo k sath udne ka sok rakhte ho

Teri Mohabbat Zindagi Ka Aaina Ban Aayi

Kaha ye kisne, ki phoolo se dil lagau main,
Agar tera khyal na sochu, to marr jaau main,

Maang na mujhse, tu hisaab meri mohabbat ka,
Aa jaau imtehaan pe to, hadd se guzar jaau main,

Soch nahi sakta, ek pal bhi door rehna tumse,
Agar tu bhool jaaye to, toot ke bikhar jaau main,

Kabhi jannat bhi mile mujhe, tere pyaar ke badle,
Mohabbat ki kasam, wahan bhi mukar jaau main,

Teri mohabbat, zindagi ka aaina ban gayi hai,
Ise dekh dekh ke phir, ek baar sanwar jaau main...

Ja Raha Hu Sab Kuch Mohabbat Mein Haar Ke - Sad Shayari

Heart Touching Lines :-

Sab kuch apna, teri mohabbat mein haar ke,
Main ja raha hu ab, teri khusiyo ke sansaar se,

Viraan hai jahan, dil bhi udaas hai,
Ab kabhi na lautenge, vo beete din bahaar ke,

Ek haseen khwaab mila, vo bhi bhi chaar din ke liye,
Bahut dekhe hain humne, hausle yahan pyaar ke,

Khud se bhi begaane ho gaye, ek tere liye,
Soch kya beetegi dil pe, tere ek inkaar se,

Read more »